影片載入中。。。
劉德華昨日到馬鞍山出席《傷健共融步行 X 運動日起步禮》，為活動擔任主禮嘉賓，並代表大會接受二百萬支票捐款。 臺上司機問到華仔十年前為傷殘奧運會創作的主題曲《Everyone is No。 1》的創作靈感？華仔笑說：「呢句說話我係好細個同自己講，當人哋話我唔得嘅時候，我就同自己講：『我係第一，我係第一。』」 司儀又提到2017年華仔發生墮馬意外，問他於康復期間，如何鼓勵自己？華仔說：「我有兩個半月喺醫院，以前我講好多鼓勵人哋嘅說話，但系當時自己每日都覺得好孤獨，未試過睇咁多劇，每日一起身擘大眼就係睇電視同上網，喺醫院裡面都聽到以前我鼓勵人哋嘅說話嚟鼓勵我，令我領略到傷健共融既資訊好重要，會得到好歡樂嘅時光。」 華仔受訪時，談到農曆新年假期，與囡囡返了外家大馬：「返去利市同派利是，儘量每年都返去，（囡囡是否很喜歡農曆新年氣氛？）每日都鐘意有氣氛，屋企人
一齊
就鐘意。」 早前華仔因患上甲型流感被迫取消個場，提到入紙申請紅館明年二月檔期再辦演唱會的事，華仔聞言即話：「盡力啦，（演唱會一波三折？）希望在明天。」說到紅館檔期很多人爭？華仔笑住話：「我有大把時間，其實都幾開心，見到大家都希望？同我
一齊
實現到呢件事。」 問為演唱會處理退票安排，又再補辦演唱會，行政費用是否很龐大？華仔直言：「都系我嘅事啫，我個人會好啲，如果有合作伙伴就難啲，而家我自己決定會好啲，而家都未知啲贊助商 點樣，基本上冇得賣飛。」他指是次補辦演唱會，假如每位觀眾都回來睇騷，基本上是不會再次公開售票，所以最少要申請七天檔期，但如果要公開發售的話，那就需要十場先可以打平，所以都會用十場來申請先。 對於有網民指退票安排混亂，華仔認為一定會有混亂情況：「大家都未試過，都會有正正負負嘅聲音，盡力做啦。」問到他嘗試申請今年年底檔期失敗，會否感到失望？華仔表示不會失望：「我都退過一次，已經畀左兩年，唔俾我都應該，多謝大家支援我，但我地都要支援香港樂壇，香港樂壇好重要，其他藝人都好重要。」他強調會一直申請，假如明年二月不成功，便會申請三月、四月，而明年的工作暫時都未安排，二月會留檔期來做演唱會，如果真的唔得就做其他工作，或者休息。問他會否特別保重身體？他笑說：「唔好諗咁多啦，冇嘢嘅，而家我做緊巡迴演唱。」
